Ankaradan Şanlıurfaya uçan “Ajet” aviaşirkətinə məxsus sərnişin təyyarəsinin göyərtəsində bomba ilə bağlı qeyd tapılıb.

Axar.az xəbər verir ki, bu barədə Şanlıurfa əyalətinin qubernatoru Həsən Şıldak deyib.

"5 oktyabr 2026-cı il tarixində Ankaradan Şanlıurfaya uçan 4180 nömrəli "AJet" sərnişin təyyarəsinin göyərtəsində partlayıcı maddələrlə bağlı qeyd tapılıb. Təyyarə saat 20:05-də Şanlıurfa GAP Hava Limanına eniş edib. Sərnişinlər təhlükəsiz şəkildə təxliyə olunacaq, bundan sonra təhlükəsizlik qüvvələrimiz təyyarədə partlayıcı maddələrin olub-olmadığını yoxlayacaq", - deyə o bildirib.

Qeyd edilir ki, təyyarədə 136 sərnişin və yeddi heyət üzvü var.