Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında telefon danışığı baş tutub.

Axar.az xəbər verir ki, bu barədə Türkiyə Prezident Administrasiyası məlumat yayıb.

“Prezident Rəcəb Tayyib Ərdoğan Rusiya Prezidenti Vladimir Putinlə telefon danışığı aparıb. Söhbət zamanı ikitərəfli münasibətlər, eləcə də regional və qlobal məsələlər müzakirə olunub. Prezident Ərdoğan Qara dənizdə gəmiçiliyin təhlükəsizliyinin təmin edilməsinin böyük əhəmiyyət daşıdığını bildirib və Türkiyənin Rusiya ilə Ukrayna arasında birbaşa təmasların qurulması istiqamətində səylərə töhfə verməyə hər zaman hazır olduğunu vurğulayıb”, – məlumatda deyilib.

Bundan başqa, Ərdoğan Putini ad günü və Vahid Rusiya Partiyasının Dövlət Dumasına seçkilərdə qələbəsi münasibətilə də təbrik edib.