Fransa Prezidenti Emmanuel Makron enerji atəşkəsini dəstəkləyib və Rusiyanı Ukraynaya hücumları intensivləşdirməkdə ittiham edib.

Axar.az xəbər verir ki, o, bu barədə X səhifəsində yazıb.

"Fransa Ukraynanın da razı olduğu, enerji sahəsində tam atəşkəsin əldə edilməsinə dair çağırışı qeyd-şərtsiz dəstəkləyir. Hazırda Rusiya bu təklifi rədd etməkdə davam edir və son saatlarda Ukraynanın infrastrukturuna zərbələri gücləndirir.

Fransa Ukraynaya və Prezident Zelenskiyə dəstəyini davam etdirəcək", - o bildirib.

Qeyd edək ki, ABŞ Prezidenti Donald Tramp Rusiya və Ukrayna arasında enerji sahəsində atəşkəs elan edildiyini açıqlayıb. Zelenski isə bu razılaşmadan xəbərsiz olduqlarını elan edib.