Rusiyanın Xarici İşlər naziri Sergey Lavrov Türkiyə səfəri çərçivəsində həmkarı Mövlud Çavuşoğlu ilə görüşüb.

Axar.az xəbər verir ki, görüşdən sonra keçirilən mətbuat konfransında Kremlin baş diplomatı Yaxın Şərq, Qafqaz və Ukrayna ilə bağlı bir sıra məsələlərin müzakirə olunduğunu deyib:

“Suriya da daxil olmaqla çox ciddi regional problemlər var. Qan tökülməsinin dayandırılması, problemlərin həll edilməsi lazımdır.

Qafqazdakı vəziyyət müzakirə olundu, Ukrayna mövzusunda danışdıq. ATƏT və BMT ilə əməkdaşlığımız davam edəcək.

Türkiyəyə gəlincə, normallaşmanın sürətləndirilməsi fikrindəyik. Ərdoğan siyasi iradə ortaya qoyub. Ticarətdəki axsamaları ortadan qaldırmaq üçün çalışmalıyıq”.