Krımın yeni Konstitusiyasında Krım tatarlarının dövlət strukturlarında təmsil olunma kvotası nəzərdə tutlmayıb.

"Axar.az" xəbər verir ki, bu barədə Krım Dövlət Şurası sədrinin müavini, Konstitusiya komissiyasının rəhbəri Qriqori Yoffe deyib. Onun sözlərinə görə, yarımadanın əvvəlki Konstitusiyasında tatar azlığı üçün 20 faizlik kvota əks olunmuşdu:

"20 faizlik kvota Krım Muxtar Viyəti Ali Şurasının qərarı idi. İndi isə vəziyyət başqadır, Krım Rusiyanın tərkibinə daxil olub. Rusiya Konstitusiyasında isə hansısa xalq, yaxud qrup üçün ayrıca kvota nəzərdə tutlmayıb. Seçkili və təyinatlı orqanların qarşısında hər bir kəsin hüququna bərabər yanaşılır.

Yoffe həmçinin Konstitusiya Komissiyasının yeni sənədləri iki həftə ərzində yekunlaşdıracağını dilə gətirib.