20:40

Rusiyanın Türkiyədəki səfiri Andrey Karlova silahlı hücum edilib.

Axar.az xəbər verir ki, ağır yaralanan səfir dərhal xəstəxanaya aparılıb.

Karlov Ankarada Müasir Sənətlər Mərkəzində keçirilən rəsm sərgisinin açılışında silahlı hücuma məruz qalıb. Belə ki, sərginin açılışında çıxış etmək üçün kürsüyə yaxınlaşan Karlov silahla vurulub.

Rusiya rəsmiləri hücumu radikal islamçı terrorçuların həyata keçirdiyini bildirib.

21:03

Səfiri güllələyən şəxsin "Hələbin hesabı sorulacaq", - deyə qışqırdıqdan sonra atəş açdığı bildirilir. Həmin şəxsin sərgi salonuna polis vəsiqəsi ilə daxil olduğu da iddia edir.

Sui-qəsd zamanı yaralıların olduğu bildirilir. Terrorçunun 40 dəqiqə sonra yaxalandığı bildirilir.

***

Rusiya səfiri aldığı yaralardan həlak olub.

Bu barədə məlumat verən Rusiya mediası hücum edən terrorçunun fotosunu da paylaşıb.

21:19

Rusiyanın Türkiyədəki səfiri Andrey Karlova Ankarada silahlı hücum edən şəxs polislə atışmada öldürülüb.