Ana səhifə Planet |
İran Məclisinin Milli Təhlükəsizlik Komissiyasının üzvü, mühafizəkar deputat Cavad Kərimi İslam İnqilabı Keşikçiləri Korpusunun (SEPAH) general-mayoru, məşhur hərbçi Qasım Süleymaninin Hələbdə olduğunu təsdiqləyib.
Axar.az xəbər verir ki, Kərimi Süleymaninin Dəməşq hökumətinin tələbi ilə Hələbə səfər etdiyini və bu ziyarətin strateji və hərbi əməkdaşlıq çərçivəsində baş tutduğunu bildirib:
"Suriya rəsmilərinin tələbi ilə bu ziyarətin baş tutması səbəbindən amerikalı rəsmilər hüquqi və ya siyasi heç bir təşəbbüs göstərməz".
ABŞ rəsmiləri barəsində beynəlxalq səyahət qadağası tətbiq edilən Süleymaninin Hələbə getməsinin BMT Təhlükəsizlik Şurasında müzakirə ediləcəyini bildiriblər.
Bir müddət öncə isə mühafizəkarlara yaxınlığı ilə tanınan "fardanews.com" və "alef.ir" saytları Süleymaninin Hələbdə çəkilmiş görüntülərini yayıb.
Qeyd edək ki, Hələb bu gün Suriya ordusunun tam nəzarəti altına keçib.
Tarix
2016.12.23 / 01:09
|
Müəllif
Pərviz Həsənov
|