Yaxın günlərdə xeyli İŞİD-çi Türkiyəyə keçib. Bir qismi isə müəyyən müddətdən sonra gələcək.

Axar.az xəbər verir ki, bu sözləri İraqın Türkiyədəki səfiri Hişam Əl Ələvi “Hürriyət”ə açıqlamasında deyib.

Onun sözlərinə görə, terrorçularla bağlı məlumatlar Milli İstihbarat Təşkilatına (MİT) ötürülüb:

“Bu terrorçuların böyük bir qismi Mosul və Təlafərdən gəlib. Söhbət minlərlə İŞİD-çidən gedir. Evlərini tərk etmək məcburiyyətində qalan gerçək İraq vətəndaşları ilə Mosul əməliyyatları zamanı şəhərdən qaçan İŞİD üzvlərini ayırd etmək üçün iki ölkə əməkdaşlıq etməlidir. Bu ünsürlər həm Türkiyə, həm də İraqın milli təhlükəsizliyi üçün böyük təhlükədir”.