Çeçenistan Respublikasının başçısı Ramzan Kadırov onun adından sahibkara hədə-qorxu gələn iki şəxsin həbs edildiyini bildirib.

Axar.az xəbər verir ki, bu barədə R.Kadırov İnstaqram hesabında məlumat yayıb.

"Surqutda yaşayan və orada da sahibkarlıqla məşğul olan Zubayr Zaynadiyev polisə müraciət etdi. O bildirdi ki, kimsə ona mənim adımdan zəng edir və tələb edir ki, Rusiya Qəhrəmanı Kadırova maşınını və pulunu versin. Bu məlumat bizdə maraq oyatdı və cinayətkarlar tapıldı", - Kadırov qeyd edib.

Surqutda yaşayan Çeçenistan Respublikasının iki sakini günahını inkar edib, sahibkarla zarafat etməyə çalışdıqlarını bildiriblər.