Ukrayna Milli Polisinin keçmiş rəhbəri gürcü Xatiya Dekanoidzenin oğlu Gürcüstanda narkotik maddələrin qanunsuz saxlanılması ittihamı ilə həbs edilib.

Axar.az xəbər verir ki, bu barədə Gürcüstanın "İctimai yayım" radiosu məlumat yayıb. Məsələyə Feysbuk hesabı üzərindən münasibət bildirən X. Dekanoidze bunları qeyd edib:

"Kim mənimlə yeganə oğlum vasitəsilə sövdələşməyə çalışırsa, bilin ki, alınmayacaq".

Qeyd edək ki, Dekanoidze 2007-2012-ci illərdə Gürcüstan Daxili İşlər Nazirliyinin Polis Akademiyasının rektoru olub. O, Saakaşvilinin ən yaxın tərəfdarlarından sayılır. Dekanoidze keçən ilin noyabrında Ukrayna polisinin rəhbəri vəzifəsinə gətirilmişdi.