Hakimiyyətdəkilərin nə ağlı, nə ideyası var.

Axar.az xəbər verir ki, bunu “1in.am” saytına açıqlamasında erməni siyasətçi Paruyr Ayrikyan söyləyib.

“Sərkisyan kimdir ki, millətdən və ordudan danışır? Serj Sərkisyanın oyuncağı olan Vigen Sərkisyanın millətə nə aidiyyəti var? Millətin gərək vahid göstəriciləri olsun. Biz dünyada yeganə millətik ki, vahid orfoqrafiyamız yoxdur. Bunlar kimdirlər ki, xalqdan danışırlar? Millət haqqında düşünən imkan verər ki, o bu vəziyyətdə qalsın? Sizə müstəqillik sözünü öyrədən lideriniz Konstitusiya Məhkəməsinə materiallar verir, siz isə küçük kimi qaçışırsınız və hələ də millət haqqında danışırsınız? Hakimiyyətdəkilərin nə ağlı, nə ideyası var. Əgər onlar oxusaydılar, millət-ordu variantı üçün İsveçrə və İsrail modellərinin necə işlədiyini görərdilər. Niyə axı ordu müxtəlif cinayətkarların özünütəsdiq məkanına çevrilməlidir? Bu yeni bir şey deyil. Hər dəfə bir alçaq öz alçaqlığını edəndə “bunu sizin üçün edirəm” deyir. Alçaqların isə son sığınacaq yeri vətənpərvərlikdir”.

Qeyd edək ki, son günlər Ermənistan Prezidenti Serj Sərkisyanın himayəsi ilə ölkədə “millət-ordu” konsepsiyası təbliğ edilir. İrəvan bu konsepsiyanın tam mahiyyətini aydınlaşdırmır. Lakin iddialara görə, bu konsepsiya vasitəsilə İrəvan Ermənistan ordusunda yaşanan böhranın qarşısını almağı planlaşdırır.