3 il müddətinə Araz çayının suyunun Təbrizə gətirilməsi gerçəkləşməsə, Təbriz meqapolisi su problemi ilə üzləşəcək.

Axar.az xəbər verir ki, bu barədə Şərqi Azərbaycan vilayətinin Su və Kanalizasia Şirkətinin sədri Əlirza İmanlu bildirib. Onun sözlərinə görə, Təbrizdə ildə su istifadəçilərinin sayı 4-6 faiz artır, lakin su ehtiyatları coxalmır. Buna görə Arazın suyunun Təbrizə gətirilməsi əməliyyatlarını tezləşdirmək lazımdır.

İmanlu bildirib ki, hazırda Təbrizdə illik su norması 141 milyon kubmetr təşkil edir, lakin 20 il sonra bu rəqəm 206-ya qalxacaq. Bu səbəbdən əldə olan imkanlardan kifayət qədər qənaətlə istifadə etməklə yanaşı, yeni su mənbələri tapılmalıdır.