ABŞ vizalarının yoxlanılması qaydalarını sərtləşdirib.

Axar.az xəbər verir ki, “Röyter” Vaşinqtonun artıq viza verilməsi üçün yeni anket hazırladığını yazıb. Bu anketə yeni bəndlər əlavə edilib. Belə bəndlərdən birində viza almaq istəyən şəxslərdən adlarını sosial şəbəkələrdə qeyd olunan kimi göstərmələri xahiş olunacaq. Üstəlik, yeni qaydalara əsasən viza almaq istəyənlərdən bütün əvvəlki xarici pasportlarının nömrələri istəniləcək.

Vaşinqton həmçinin ABŞ-a gəlmək istəyənlərdən sosial şəbəkələrdə son 5 ildə istifadə etdikləri adları, eləcə də son 15 ildəki tərcümey-hallarını tələb edəcək. Maraqlı məqam odur ki, bu suallara anketlərdə cavab verilməsi məcburi olmayacaq, amma onların yanında verilməyən cavabların viza verilişində problem yarada biləcəyi haqqında qeydlər də olacaq.