Britaniya vətəndaşı Əhməd Mutxan İŞİD sıralarında vuruşduqları üçün iki oğlundan imtina edib.

Axar.az xəbər verir ki, Əhməd Mutxan Britaniya mətbuatına verdiyi açıqlamasında bildirib ki, bir daha oğlanlarını görmək istəmir.

Dünən internetdə silahlı 3 nəfərin dünyanın bütün gənc müsəlmanlarını İŞİD sıralarına qoşulmaq üçün çağırışlar edən video yayılmışdı.

Onlardan biri Kardif Universitetinin 20 yaşlı keçmiş tələbəsi 17 yaşlı qardaşı ilə birlikdə öz həmvətənlərini Allah uğrunda vuruşmağa çağırırdı.

Əhməd Muxtan bildirib ki, əgər onun oğlanları Britaniyaya sağ qayıtsalar onların həbs olunmasını arzulayacaq.

Mutxanın böyük oğlu Nasir Kardiff Universitetinin nəzdindəki tibb kollecini bitirib. 8 ay əvvəl o, ailəsi ilə birlikdə ölkəni tərk edib.

"Mən çox heyfslənirəm. Mən Nasirin ora necə düşdüyünü bilmirəm. O, evə zəng edib qardaşı ilə danışdı. Mən elə hesab etdim ki, o Türkiyədədir. Elə bilirdim orada evlənib və bir daha geri qayıtmayacaq. Onun cihada qoşulacağını ağlıma belə gətirmirdim", - deyə Mutxan bildirib.