ABŞ Prezidenti Donald Tramp Nyu Yorkda baş verən terror hücumunda təqsirləndirilən Seyfulla Saipovun ölüm cəzasına layiq olduğunu bildirib.

Axar.az xəbər verir ki, bu fikri Tramp Tvitter səhifəsində yazıb.

“Nyu Yorkdan olan terrorçu İŞİD-in bayrağını xəstəxananın qapısından asmaq istədiyini məmnunluqla dilə gətirdi. O, 8 nəfəri öldürüb, 12 nəfərə isə ciddi xəsarət yetirib. Onu ölüm hökmü ilə cəzalandırmaq lazımdır", - deyə bildirib.

Qeyd edək ki, terrorla ittiham olunan Seyfulla Saipovu ömürlük həbs və ya ölüm cəzası gözləyir. Tramp bundan öncəki açıqlamasında onu Quantonamo həbsxanasına göndərməyə hazır olduğunu bildirmişdi.