Rusiya ilk növbədə məmurların cəzalandırılması ilə deyil, idmançıların müdafiəsi ilə məşğul olacaq.

Axar.az xəbər verir ki, bu barədə Rusiya prezidentinin mətbuat katibi Dmitri Peskov danışıb.

Mətbuat katibi baş verən proseslərlə bağlı hər hansı bir tədbir görüləcəyi barədə informasiyaya malik olmadığını bildirib. Onun sözlərinə görə, hazırda idman sahəsində çalışan məmurların cəzalandırılması prosesi ikinci plandadır. Əsas diqqət idmançıların müdafiəsinə yönəlib.

Qeyd edək ki, Beynəlxalq Olimpiya Komitəsinin qərarı ilə Rusiya milli komandası Cənubi Koreyada keçiriləcək Olimpiadadan iştirak hüququndan məhrum edilib.