Çin əhəmiyyətli sayda müasir təyyarə və gəmi hazırlayır.

Axar.az xəbər verir ki, bu barədə informasiya Britaniyanın Beynəlxalq Strateji Tədqiqatlar İnstitutunun hesabatında yer alıb.

“Pekin 2020-ci ilə qədər ön eskadrilyalarda az görünə bilən “Chengdu J-20” təyyarələrinin istismarına hazırlaşır. Əgər bu baş versə, ABŞ görünməz təyyarələr sahəsindəki monopoliyasını itirəcək. Bu il, həmçinin, genişlənmiş fəaliyyət radiusu olan “hava-hava” raketləri də istismara verilə bilər.

Çinin yüksək ambisiyaları özünü dənizdə də göstərir. 2000-ci ildən etibarən Çin çoxlu sayda müxtəlif suüstü gəmi və sualtı gəmi hazırlayır. Bu gəmilərin sayı Yaponiya, Cənubi Koreya və Hindistanın ümumi gəmilərindən çoxdur”, – deyə hesabatda bildirilib.

Hesabatda Çinin öz sərhədlərindən uzaqda və hətta Avropanın yaxınlığında öz gəmilərinin yerləşdirmək qabiliyyətində olduğu vurğulanıb.