Avropa Birliyinin yeni vergidən azad edilməsi barədə Tramp hökumətindən açıqlama gözləyirik.

Axar.az xəbər verir ki, bunu Avropa Komissiyasının sədri Jan-Klod Yunker ABŞ-ın əlavə gömrük vergiləri barədə qərarına münasibət bildirərkən söyləyib. O, Brüsseldəki 2 günlük zirvə görüşündə Trampın sözügedən qərarının müzakirə ediləcəyini deyib:

“AB heç vaxt qalib tərəfin olmayacağı ticarət müharibəsinə girmək istəmir. Əgər vergi qərarından azad edilməsək, Dünya Ticarət Təşkilatı qaydalarına uyğun formada hərəkət etməyə hazırıq”.

Qeyd edək ki, ABŞ Prezidenti Donald Tramp bir müddət əvvəl xarici ölkələrdən idxal olunan polad və alüminiuma əlavə gömrük vergisinin tətbiq edilməsi barədə qərar imzalayıb.