Rusiya Prezidenti Vladimir Putin Donetsk və Luqanskla bağlı hansısa kompromisə getmək istədiyinin siqnallarını vermir.

Axar.az xəbər verir ki, bunu “Qlavkom” saytına açıqlamasında rusiyalı politoloq Liliya Şevçova deyib.

“Moskva heç bir halda Minsk danışıqlarının yeni seriyasının təşəbbüskarı rolunda çıxış etməyəcək. Rusiya bu formatı nə yenidən canlandırmaq, nə də ondan imtina etmək niyyətindədir. Donbasla bağlı dialoqun nəticəsi Trampla Putinin nümayəndələri, yəni Volker və Surkov arasında ola bilər. Lakin hələlik bu dialoq heç bir nəticəyə gətirib çıxarmayıb. Putin asanlıqla Donbası əldən verməyəcək”, - o bildirib.