Rusiyanın Sakit okean donanmasının hərbçiləri Kamçatkanı cənginə almış güclü siklonun fəsadlarının qarşısını almağa başlayıb.

Axar.az xəbər verir ki, bu barədə Rusiya ordusunun Şərq Hərbi Dairəsinin Sakit okean donanması üzrə informasiya təminatı şöbəsinin rəhbəri Nikolay Voskresenski danışıb.

“Rusiyanın şimal-şərqindəki qüvvələrin və qoşunların bir hissəsində fırtına xəbərdarlığı elan edilib. Şəxsi heyət fəlakətin nəticələrini ləğv etməyə hazırdır. Xilasetmə gəmilərinin növbədə olan qüvvələri, mühəndis birlikləri vəzifələrin yerinə yetirilməsi üçün yüksək hazırlıq vəziyyətinə gətirilib”, - Voskresenski deyib.

Xatırladaq ki, Kamçatka yarımadasının sahillərini Sakit okean siklonu cənginə alıb. Yarımadada güclü qar və qasırğa müşahidə edilib. Siklonun təsirinə Petropavlovsk-Kamçatka və Vilyuçinski şəhər dairələri, həmçinin yarımadanın 7 böyük rayonu məruz qalıb. Kəskin hava şəraitinin həftənin sonuna qədər davam etməsi gözlənilir.