Harri Poter haqqında silsilə kitablar müəllifi, Şotlandiyanın Birləşmiş Krallıqda qalmasının tərəfdarı yazıçı Coan Roulinq özünün Tvitter səhifəsində referendiumun gedişini diqqətlə izlədiyini bildirib: "Bütün gecəni yatmamışam, Şotlandiyanın tarixi necə idarə edəcəyinə baxmışam. Ölkənin böyük əksəriyyəti seçkilərdə iştirak etdi: fəxr etməyimizə dəyər".

Axar.az RİA Novosti-yə istinadla bildirir ki, yazıçı əvvəl də Birləşmiş Krallığın bütövlüyünü dəstəkləyən çıxışlar etmiş və Şotlandiyada seçiciləri yola gətirmək üçün "Better Together" şirkətinə milyon funta yaxın vəsait sərf etmişdi.

"Mənim müstəqilliyi dəstəkləməkdə göstərdiyim qətiyyətsizlik qətiyyən şotlandların xidmətlərini dəyərləndirməyimə və onların böyük insanlar olduğuna inamıma xələl gətirə bilməz", - britaniyalı xanım qərarını izah edərkən deyib.

Xatırladaq ki, dünən Şotlandiyada referendium keçirilib. Referendiumda qoyulan yeganə məsələ - "Siz Şotlandiyanın müstəqil dövlət olmasına razısınızmı?" – sualı olub.

32 qraflıqdan 26-dakı səslərin nəticələrinə görə, müstəqillik lehinə 1 milyon 176 min 952 nəfər, əleyhinə isə 1 milyon 397 min 077 nəfər səs verib.