Ana səhifə Planet |
19:40
Təmir üçün İstanbula gələn "Streamline" yük gəmisi borc səbəbindən saxlanılıb, gəminin 11 rus ekipajı təxminən 2 aydır geri qayıtmayıblar.
Axar.az xəbər verir ki, bu barədə Rusiya Dənizçilərinin Peşə Birliyinin sədri Aleksandr Rubtsov bildirib.
Rubtsov yük gəmisinin təmir üçün Moskva şəhərindən İstanbula getdiyini, gəminin daha sonra Rusiyaya geri dönəcəyinin planlaşdırıldığını deyib:
"Gəmi İstanbula gedəndə keçmiş sahibindən qalan borclar səbəbindən həbs olundu. Borcun məbləği təxminən 500 min dollardır. Gəmidə 11 ekipaj var, 9-u Moskva regionundandır. Təxminən 2 aydır gəmidən ayrılmırlar. Gəminin sahibi ilə əlaqə yaratmaq olmur".
***
Rusiyanın İstanbul Baş Konsulluğu Türkiyədə saxlanılan rus gəmisi ilə bağlı hərəkətə keçib.
Diplomatik mənbələrə əsasən, problemin həlli üçün səy göstərilir.
Konsulluğun sözçüsü Lyudmila Sadıkova bildirib ki, problemi həll etmək məqsədilə "Streamline"nin sahibi, həmçinin satış agentliyi ilə təmasa keçmək üçün səy göstəririk. Bununla yanaşı, liman rəsmiləri və xarici rəsmilərlə təmas qururuq.
Tarix
2018.08.16 / 23:15
|
Müəllif
Pərviz Həsənov
|