İŞİD terror qruplaşmasının döyüşçüləri ilə bağlı maraqlı detallar ortaya çıxıb.

Axar.az xəbər verir ki, Suriyanın Kobani şəhərində İŞİD-lə kürdlər arasında döyüşlər davam edir. İŞİD-in gündüz, kürdlərin isə gecə hücumlar təşkil etməsi diqqət çəkir. Təşkilata ərəb və yəmənli döyüşçülərin narkotik gətirdiyi iddia olunur. İddialara görə, İŞİD döyüşçüləri gün ərzində narkotik qəbul etdikdən sonra döyüşlərə girirlər.

İŞİD tərəfdarlarının narkotikin təsiri ötdükdən sonra döyüşmək istəmədikləri və mövqelərinə çəkilərək yatıb qaldıqları bildirilir. Bu isə kürdlər üçün fürsət yaradır və onların gecələr hücum etməsinə səbəb olur.

Xatırladaq ki, bir müddət öncə Türkiyə Prezidenti Rəcəb Tayyib Ərdoğan da İŞİD döyüşçülərinin narkotik qəbul etdiklərini demişdi.