Rusiyanın Xəzər Hərbi Donanmasının hərbi gəmiləri Qazaxıstanın Aktau limanına daxil olublar.

Axar.az RİA Novosti-yə istinadən xəbər verir ki, bu barədə Cənub Hərbi Dairəsinin mətbuat xidmətindən məlumat verilib.

"Döyüş tapşırıqlarının yerinə yetirilməsi çərçivəsində Xəzər Donanmasının "Dağıstan" və "Qrad Sviyajsk" gəmiləri dostluq səfəri ilə Qazaxıstanın Aktau limanına daxil olub. Rus və qazax gəmilərinin komandirləri bir-birilərilə görüşür, qazax dənizçiləri isə "Dağıstan" və "Qrad Sviyajsk" gəmiləri ilə tanış olublar", - məlumatda bildirilib.

Qeyd olunub ki, Qazaxıstan Hərbi Dəniz Qüvvələri ilə Xəzər Donanması bazar günü birgə hərbi təlimlərdə iştirak edəcəklər.