"Faynənşl Tayms" qəzeti İŞİD-in ABŞ-ın hava hücumlarına və yaratdığı koalisiyaya cavab olaraq Əl-Nüsra cəbhəsi ilə birləşdiyini yazıb.

Axar.az xəbər verir ki, Erik Solomon və Ceof Dyer imzaları ilə dərc olunan mətndə bir-birindən fərqli baxışları, fərqli strategiyaları ilə seçilən terrorçu qruplaşmaların öz aralarındakı ixtilafa son verərək Qərbə qarşı birləşdiyi bildirilib.

Radikal islamçı qruplaşmaların artıq Qərb tərəfini ortaq düşmən kimi gördüyü və barış üçün danışıqlar apardığı qeyd olunub.

Yalnız amerikalı mütəxəssislər Əl-Nüsra və İŞİD arasındakı bölünmənin dərinliyinə diqqət çəkərək onların heç vaxt birləşə bilməyəcəklərini qeyd edib.