Türkiyə prezidenti Rəcəb Tayyib Ərdoğan bayram namazından sonra jurnalistlərə açıqlamalar verib.

Ans press-in məlumatına görə, Ərdoğan ABŞ vitse-prezidenti Co Baydenin Harvard Universitetindəki çıxışı zamanı Türkiyəni tənqid etməsinə cavab verib. Co Bayden İŞİD terror təşkilatının güclənməsində BƏƏ, Səudiyyə Ərəbistanı ilə yanaşı Türkiyəni də günahlandırmışdı.

Onun sözlərinə görə, Türkiyə, BƏƏ, Səudiyyə Ərəbistanı Bəşər Əsədi devirməkdə o qədər iddialı idilər ki, ona qarşı vuruşan hər kəsə pul və silahla dəstək göstərirdilər.

"Əgər Bayden belə bir şey söylədisə, o, mənim üçün sadəcə bir tarix olacaq", - deyə Rəcəb Tayyib Ərdoğan vurğulayıb.

O, deyib: "Ən kiçik terror təşkilatına ən kiçik bir köməyimiz ola bilməz. Bunu heç kim sübut edə bilməz. Silahlı olaraq sərhədi keçdiyini heç kimə deyə bilməz. 6 min adamın Türkiyəyə girişini qadağan etdi. Bayden belə şeylər söylədisə, Bayden mənim üçün öldü. Məndən belə bir ifadə çıxmayıb. Təəssüflə qarşıladım. ABŞ-dakı görüşdə də biz səhv etdik və s. deyə danışıqlar əsla olmayıb. Harvardda belə bir şərh etdisə, bizdən üzr istəməlidir.