"Putinin Ukraynada elədiyi böyük siyasi səhvdir".

Axar.az xəbər verir ki, bunu YUKOS şirkətinin eks-prezidenti, hazırda Almaniyada yaşayan Mixail Xodorkovski söyləyib. O, Ukrayna ilə hər hansı ərazi arasında seçim olduğu təqdirdə qardaş xalqı seçəcəyini əminliklə bildirib:

"Sözsüz ki, Krım məsələsi sadə məsələ deyil və Rusiya cəmiyyəti üçün xüsusi əhəmiyyətə malikdir. Mən bu barədə Ukrayna həmkarlarıma da söyləmişəm. Ərazi və 45 milyonluq qardaş xalq arasında seçim olsaydı, mən dostluq xatirinə qonşunu seçərdim. Çünki Rusiyanın aşkar müttəfiqləri yoxdur. Ukrayna xalqı kimi ortaq tarixi köklərimiz olan ikinci xalq yoxdur. Rusiyanın min ildən çox tarixi var. Mən əminəm ki, hazırki rejim nə etsə də, Rusiya mövcudluğunu davam etdirəcək. Tariximizdə bundan da pis rejimlər olub. Lakin biz onun öhdəsindən gəldik. Bu rejimin də öhdəsindən gələcəyimizə heç bir şübhəm yoxdur".