ABŞ Səudiyyə Ərəbistanının rəhbərlik etdiyi ərəb koalisiyasına aid təyyarələrə səmada yanacaq doldurulması praktikasından imtina edəcək.

Axar.az xəbər verir ki, bu barədə “Vaşinqton Post” qəzeti məlumat yayıb. Bildirilib ki, Vaşinqton bu addımı Ər-Riyadın Yəməndəki fəaliyyəti ucbatından atır.

ABŞ administrasiyasının öz qərarını yaxın zamanlarda açıqlayacağı vurğulanıb.

Ərəb koalisiyası Səudiyyə Ərəbistanının SPA agentliyinə açıqlamasında isə bundan sonra öz təyyarələrinin yanacağını özlərinin təmin edəcəklərini bildirib.

Koalisiya ABŞ-la məsləhətləşdikdən sonra bu qərara gəldiklərini açıqlayıb.