"Lukoyl"un rəhbəri Vahid Ələkbərovla vitse-prezident və şirkətdə pay sahibi olan Leonid Fedun arasında yaranmış mübahisə artıq başa çatıb.

Axar.az xəbər verir ki, bu barədə informasiyanı rbc.ru saytı özünün "Lukoyl"dakı mənbəsinə istinadən yayıb.

Məlumatda Fedunun artıq özünün "Lukoyl"dakı hissələrini satmaq istədiyi də bildirilib. Mətbuat hətta vitse-prezidentin öz aksiyalarını "Rosneft" rəhbəri İqor Seçinə satmağı planlaşdırdığını deyib. Lakin Leonid Fedun və İqor Seçin bu cür sövdələşmənin olmadığını söyləyiblər. Mənbə isə Fedunun Ələkbərovla Arktikada "Lukoyl"un fəaliyyətə başlaması ilə əlaqədar mübahisə etdiyini bildirib. Vitse-prezident bu işin çox xərc aparacağını irəli sürərək Ələkbərovun ondan imtina etməsini istəyib. Artıq hər iki partnyorun müəyyən razılığa gəldiyi də söylənilib.

Qeyd edək ki, dünən rbc.ru-ya açıqlamasında Leonid Fedun Ələkbərovla 25 ildir ki, işlədiyini və onun icazəsi olmadan heç bir addım atmayacağını deyib.