Ana səhifə Planet |
2018-ci ildə peşəkar fəaliyyətlərini həyata keçirən zaman 94 jurnalist və KİV işçisi öldürülüb.
Axar.az xəbər verir ki, bu barədə Beynəlxalq Jurnalistlər Federasiyası məlumat yayıb.
Bildirilib ki, bu göstərici keçən illə müqayisədə 12 nəfər çox olub. Builki göstərici həmçinin 3 ildir davam edən jurnalistlərin öldürülməsinin azalması tendensiyasına da son qoyub.
BJF bu il ən çox jurnalistin Əfqanıstanda öldürüldüyünü (16 nəfər) bildirib. Ondan sonrakı yerlərdə Meksika, Yəmən və Suriya dayanıb. Avropada bu il ümumilikdə 4 jurnalist öldürülüb. Jurnalistlər Fransa, Bolqarıstan, Türkiyə və Slovakiyada qətlə yetiriliblər.
BJF-nin hesabatına əsasən, 1990-cı ildən bu yana dünyada ümumilikdə 2500 jurnalist qətlə yetirilib. Bu dövr ərzində ən çox jurnalist İraqda (300) öldürülüb.
Qeyd edək ki, bundan öncə Sərhədsiz Reportyorlar Təşkilatı cari il ərzində dünyada 80 jurnalistin öldüyünü açıqlamışdı.
Tarix
2018.12.31 / 19:33
|
Müəllif
İlkin Həsənov
|