Gələn il həcc ziyarətinə getmək istəyən zəvvarlar yeni elektron pasportlar almasalar, Səudiyyə Ərəbistanına yollana bilməyəcəklər.

Axar.az RİA Novostiyə istinadən bildirir ki, bu barədə Rusiya Federasiya Şurasının sədr müavini, həcc məsələləri üzrə səlahiyyətli nümayəndə İlyas Umaxanov məlumat verib.

"Gələn il köhnə pasportlar qəbul edilməyəcək. Əgər bu, Səudiyyə Ərəbistanının vaxtında verilmiş tələbidirsə, yəqin ki, biz onu nəzərə almalıyıq: bu, ilk növbədə bizim maraqlarımıza da xidmət edir", – deyə Umaxanov Rusiya Federasiya Şurasının həcc-2014-ün nəticələrinə həsr edilmiş iclasda bildirib.

Qeyd edək ki, 2014-cü ildə Səudiyyə Ərəbistanına 16,4 min rusiyalı müsəlman yollanıb.