Pakistanın bütün sülhməramlı cəhdlərinə baxmayaraq, Hindistan aqressiv və təhrikedici addımlarına davam edir.

Axar.az xəbər verir ki, bu sözləri Pakistanın Vaşinqtondakı səfiri Əsəd Məcid Xan deyib.

“İki ölkə uçurumun kənarından qayıtdı. Ancaq vəziyyət hələ də ciddiliyini qoruyub saxlayır. Məsələn, Hindistana aid döyüş təyyarəsinin pilotunu təslim etməyimizdən dərhal sonra sərhəd-nəzarət məntəqələrimizə hücumlar edildi. Bu hücumlar zamanı 2 əsgərimiz və bir mülki vətəndaşımız dünyasını dəyişdi. Bu vəziyyət ilk dəfə yaşanmır və bizi tikan üzərində saxlayır. Baş nazir İmran Xanın vəzifəyə gəldiyi gündən problemlərin dialoq yolu ilə həll edilə biləcəyini vurğulamasına baxmayaraq, Hindistan regiondakı sülh və təhlükəsizliyi təhdid etməyə davam edir. Bu vəziyyətdə Pakistan özünü müdafiəyə davam edəcək”, - səfir bildirib.