İl ərzində Rusiya Prezidenti Vladimir Putin və Rusiya Baş naziri Dmitri Medvedyevlə görüşlərimiz olacaq.

Axar.az xəbər verir ki, bunu TASS-a müsahibəsində Ermənistan Baş naziri Nikol Paşinyan deyib.

“Bu il ərzində bir neçə dəfə görüşəcəyik. Məsələn, Avrasiya İttifaqı sammiti çərçivəsində görüşümüz olacaq. Ümid edirəm ki, bu il Putinin İrəvana və mənim Moskvaya səfərim baş tutacaq”, - o bildirib.

O, Putinlə telefon danışığı zamanı İrəvana səfər məsələsini müzakirə etdiyini də deyib. Paşinyan hazırda məsələnin administrasiyalar arasında müzakirə edildiyini vurğulayıb.

Erməni baş nazir rusiyalı həmkarı Dmitri Medvedyevlə 29 apreldə İrəvanda keçiriləcək Avrasiya İttifaqı Hökumətlərarası Şurasının iclasında görüşəcəyini bildirib.