Ana səhifə Planet |
ABŞ Prezidenti Barak Obama Ferqusonda baş verən hadisələri bəhanə edərək qanun pozuntusuna yol verənlərə son xəbərdarlıq edib.
Axar.az xəbər verir ki, Obama cəmiyyətin bəzi təbəqələri ilə ədalətli davranılmadığından təəssüfləndiyini bildirərək yanıldığını etiraf edib.
Çikaqoda miqrasiya növzusunda təşkil edilmiş toplantıya qatılan Ağ Ev rəhbəri baş verən hadisələrin özəyinin dərin qatlara gedib çıxdığını dilə gətirib:
"Bu, təəssüf ki, Brounun öldürülməsi ilə bağlı deyil. Əsas məsələ Afrika-Amerika cəmiyyətində qanunların ədalətli olmamasındadır. Bunun köklərini axtarsaq, lap uzaqlara getməliyik. Bu hər yerdə var və təhlükəsizlik qüvvələrinin əksəriyyəti üçün etibarlı olmaya bilər. Amma insanlar bunu da qəbul etməlidir ki, hadisələr süni şəkildə yaranmayıb. Bunun kökləri var və zaman-zaman bu proseslər baş verib. Binaları yandırmaq, mülklərə zərər vermək, insanları təhlükəyə atmaq, bunlar dağıdıcıdır, bunlar vəhşilikdir və bunların heç bir səbəbi ola bilməz. Bunlar cinayət davranışlarıdır və bu cür cinayətlərin qarşısının alınması üçün əməliyyatlar başlanmalıdır".
Dolayısı ilə polislərin haqlı olduğunu deyən Obama onların peşəkarlığı nəticəsində insanların etibarlı yaşamının təmin edildiyini deyib:
"Bizim ata biləcəyimiz addımlar var. Ferqusonun problemi təkcə Ferqusonun deyil. Bu Amerikanın problemidir və həqiqətən bunu həll etdiyimizə əmin olmalıyıq. Öz cəmiyyətinə zərər verənlərə rəğbətim yoxdur".
Tarix
2014.11.26 / 13:09
|
Müəllif
Şəmsəddin Ənsar
|