Taliban döyüşçüləri 150-dən çox Əfqanıstan hərbçisini Türkmənistana qaçmaq istərkən əsir götürüb.

Axar.az xəbər verir ki, bu məlumatı “Nyu York Tayms” qəzeti yayıb. Məlumata görə, hərbçilərin Türkmənistana girişinə icazə verilməməsindən sonra onlar Talibana əsir düşüblər. Əsir düşən hərbçilərin Badqis vilayətində bir həftə ərzində Talibana qarşı vuruşduqları bəlli olub.

Əfqanıstan polisi isə 50 hərbçinin Talibana könüllü şəkildə təslim olduğunu, 100 nəfərin isə Türkmənistana qaçdığını, bir gün sonra rəsmi Aşqabadın onları Talibana geri verdiyini açıqlayıb.

Polis həmçinin Baqdis vilayətinin kritik vəziyyətdə olduğunu, Talibanın yaşayış evlərindən sığınacaq kimi istifadə etdiyini bildirib.