Çin hərbi sənayesi dünyada yeniliyə imza atıb.

Axar.az xəbər verir ki, çinli mütəxəssislər səsdən sürətli və radara düşmədiyi iddia olunan pilotsuz reaktiv istehsal edib.

Çin dövlət televiziyası CCTV-nin məlumatına görə, silah da daşıya bilən reaktivə "qara qılınc" mənasını verən "Anciyan" adı verilib.

Xatırladaq ki, 2006-cı ildə start verilən bu layihə bir il sonra Paris-Aviasiya sərgisində Çin tərəfindən sərgilənmişdi.

İlk uçuşunu 2015-ci ildə reallaşdıracaq "Anciyan"dan başqa Çin mütəxəssislərinin sözügedən reaktivdən də sürətli bir pilotsuz təyyarə üzərində işlədikləri açıqlanıb.

Məlumat üçün bildirək ki, səs dalğalarının sürəti 21 santigrat dərəcədə dəniz səviyyəsində saniyədə 343,2 metr, saatda 1235,5 kilometrə bərabərdir.