"Telefon danışığı zamanı Vladimir Putin məni hədələməyib".

Axar.az "Lenta.ru"ya istinadən xəbər verir ki, bunu Ukrayna Prezidenti Pyotr Poroşenko Putinlə telefon danışığını şərh edərkən deyib.

Poroşenko Putinin telefon danışığı zamanı onu hədələməsi barədə yayılan xəbərləri təkzib edib.

Rusiya lideri ilə telefon söhbəti zamanı onun ünvanına hər hansı təhdid dolu fikir səsləndirilmədiyini bildirən Poroşenko yaranmış vəziyyətdən çıxış yolu üçün dialoq aparıldığını qeyd edib.

Poroşenko həmçinin Putinlə NATO-Ukrayna münasibətləri ilə bağlı müzakirələr aparılmasını da təkzib edib.

Putinin köməkçisi Yuri Uşakov da Putinin Poroşenkonun ünvanına təhdid dolu fikirlər səsləndirməsinin yalan olduğunu vurğulayıb.