Kreml prezident seçkisinin birinci turundan sonra böyük ehtimalla Ukraynaya qarşı aktiv provokasiyalara getməyəcək.

Axar.az xəbər verir ki, bunu Obozrevatel TV-yə açıqlamaısnda rusiyalı müxalifətçi, eks-deputat İlyar Ponomaryov deyib.

“Bu seçkinin nəticələri aydın idi. Zelenskinin seçkidə birinci, Poroşenkonun 2-ci yeri tutacağı, eləcə də Timoşenkonun ikinci tura çıxmayacağı çoxdan deyilirdi. Ona görə də Rusiya buna xüsusi reaksiya verməyəcək”, - o bildirib.

Onun sözlərinə görə, Kremlin Ukraynada kimi prezident görməsiylə bağlı hazırda iki mövqe var:

“Kremldə bir sıra insan düşünür ki, Poroşenko hakimiyyətdə qalmalıdır, digərləri Poroşenkonun hakimiyyətdən təcili getməsini istəyir. Bunun üçün Rusiya böyük ehtimalla heç bir addım atmayacaq”.