"İraq ordusunun cənubdan hücuma keçməsi son günlər İŞİD-in Kobaniyə əsgər göndərməsini xeyli zəiflədib".

Bu sözləri Axar.az-a açıqlamasında politoloq Fərhad Mehdiyev deyib. Onun sözlərinə görə, İŞİD hələ bir müddət Kobanidən çəkilməyəcək:

"Kobanidə döyüşlərin şəhərdə aparılması İŞİD-ə qarşı mübarizəni çətinləşdirir. İŞİD Mürşitpınar sərhəd qapısına hücum etsə də, oranı ələ keçirə bilmədi. Həmin sərhəd qapısı kürdlər üçün çox vacibdir, çünki ordan PYD lojistik dəstək alır. Daha uzun bir zaman ərzində İŞİD ordan tamam çəkiləcək. Amma bu, İraq ordusunun İŞİD-i nə qədər sıxışdıra biləcəyi ilə bağlıdır. Bu günlərdə İraq ordusunun cənubdan hücuma keçməsi ilə bağlı olaraq İŞİD Kobaniyə kifayət qədər əsgər göndərə bilmir. Kobaninin getdikcə İŞİD-in nəzarətindən çıxmasının əsas səbəbi budur. Onların indiki siyasəti belədir ki, tərəfdaşları dünyaya yayılmır. İŞİD-çilər indi Suriyaya hicrət edirlər. İstədikləri Suriya və İraqdır. Məqsədləri isə bu ölkələrdə islam xilafəti qurmaqdır".