Çeçenistan Prezidenti Ramzan Kadırov respublikanın hüquq-mühafizə orqanları və xüsusi təyinatlılarına dekabrın 4-də Qroznıda baş verənlərə görə günahlandırılan ukraynalı deputatlar – Yuri Beryoza, Andrey Levusa və İqor Mosiyçuk barəsində cinayət işinin açılmasını tapşırıb.

Axar.az xəbər verir ki, bundan başqa Kadırov öz döyüşçülərinə həmin deputatların oğurlanıb Çeçenistana gətirilməsini də əmr edib.

"Bu gün mən Çeçenistan Respublikasının hüquq-mühafizə orqanları və xüsusi təyinatlılarına ukraynalı deputatlar – Yuri Beryoza, Andrey Levusa və İqor Mosiyçuk barəsində cinayət işinin açılmasını tapşırmışam. Bununla yanaşı mən adıçəkilən şəxslərin, həmçinin digər cinaəyətkar İsa Munayevin oğurlanıb gətirilməsini əmr etmişəm. Onların Qroznıda baş verən hadisə ilə əlaqələrini təcili yoxlamaq lazımdır. Həmin şəxslər Qroznıda 14 polis əməkdaşının öldürülməsində terrorçuları birbaşa dəstəkləyiblər", - Kadırov özünün İnstaqram səhifəsində yazıb.

Kadırov həmin şəxslərin yerin dərin qatına basdıracağına da söz verib:

"Əgər kimsə fikirləşir ki, terrorçuluğu dəstəkləmək cəzasız qalacaq, çox böyük səhv edir. İstər sözlə, istərsə də dollarla terrorçulara yardım edənləri tutub yerin dərin qatında basdıracağıq".