İran hökuməti Türkiyə TIR-larına dekabrın 1-dən tətbiq etdiyi yanacaq satılması qadağasını müvəqqəti dayandırıb.

Axar.az xəbər verir ki, bunu jurnalistlərə açıqlamasında Türkiyənin Nəqliyyat və dənizçilik naziri Lütfi Elvan deyib.

O, İranın Türkiyə yük maşınlarına yanacaq satışı qadağasını müvəqqəti olaraq dayandırılmaq istəyini bildirdiyini, Türkiyənin də bu təklifi qəbul etdiyini açıqlayıb.

Nazir Türkiyə-İran sərhədində yaranan uzun növbələrin 3 gün ərzində bitəcəyini bildirib.

Qeyd edək ki, İranın dekabrın 1-dən ölkə ərazisinə daxil olan Türkiyə TIR-larına qarşı tətbiq etdiyi qaydalar Türkiyə-İran sərhədində uzun növbələrə səbəb olub.