İraq İŞİD-lə mübarizə üçün digər dövlətlərin qoşunlarının öz ərazisində yerləşməsinə imkan verməyəcək.

Axar.az İranın "Fars" agentliyinə istinadən xəbər verir ki, bu açıqlama ilə İraqın Xarici İşlər naziri İbrahim Cəfəri çıxış edib.

O, İraq ordusunun qarşısına qoyulmuş vəzifələri yerinə yetirməyə tam imkanı çatdığını bildirib:

"Başqa ölkələrin quru qoşunlarının bizim ərazimizdə yerləşdirilməsi əhalidə nifrət hissi yaradacaq. Biz İranla təkcə hərbi məsləhətçilər sahəsində əməkdaşlıq etmirik. Üstəlik, biz Tehrandan İŞİD-ə zərbələr endirilməsi ilə bağlı hansısa təklif almamışıq".

Qeyd edək ki, bir müddət öncə Qərb mətbuatında Səudiyyə Ərəbistanının İraq ərazisində baza yerləşdirmək üçün Bağdada rəsmi təklif göndərdiyini yazmışdı.