Türkiyə Prezidenti Rəcəb Tayyib Ərdoğan 2015-ci ilin ilk aylarında Ukraynaya rəsmi səfər edəcək.

Axar.az xəbər verir ki, bunu jurnalistlərə açıqlamasında Ukraynanın Türkiyədəki səfiri Sergey Korsunski deyib. O, Türkiyə ilə hərbi əməkdaşlıq sahəsində bəzi razılaşmalar imzalanacağını bildirib:

"Türkiyə ilə konkret və geniş layihələr üzərində işləyirik. Milyardlarla dollar dəyərində layihələr gündəmdədir. Xüsusilə hərbi-texniki sahədə əməkdaşlıq etməyi planlaşdırırıq. Ancaq bu tank və ya gəmi istehsalı yox, aviasiya və kosmos sənayesində əməkdaşlıq olacaq".

Səfir Ərdoğanın Ukraynaya səfərinə qədər iki ölkə arasında sərbəst ticarət bölgəsinin qurulması ilə bağlı müqavilənin hazırlanacağını bildirib.