Əfqanıstanın paytaxtı Kabulda bombalı avtomobillə olis avtomobilinə kamikadze hücumu təşkil edilib.

Axar.az xəbər verir ki, Kabul Polis İdarəsinin səlahiyyətli işçisi Farid Əfzalinin kamikadze hücumunda 1 polis öldüyünü, 3-ünün isə yaralandığını bildirib.

Kamikadzenin avtomobili paytaxtın sıxlıq yerində partlatmaq istədiyini bildirən Əfzali deyib: "Polis aldığı gizli məlumatdan sonra bu avtomobili izləməyə başlayıb. Kamikadze də polisin onu izlədiyini hiss edən kimi bombanı partladıb".

Yaralıların yaxşı olduğunu deyən Əfzali hücuma görə Taliban terror təşkilatını günahlandırıb.

Taliban sözçüsü Zabiullah Mücahid də hücumu onların təşkil etdiyini təsdiq edərək hücumda çoxlu əfqan və xarici hərbçinin öldürüldüyünü iddia edib.