ABŞ-ın "Gozi" kompüter virusunu yaratmaqda ittiham etdiyi latviyalı proqramçı Denis Çalovski ABŞ-a təhvil veriləcək.

Axar.az RİA Novosti-yə istinadla bildirir ki, bu barədə Latviya DİN-in dövlət katibi Peterson-Qodman məlumat verib.

Çalovski rusiyalı Nikita Kuzmin (2010-cu ildə) və rumın Mixay Yonutla (bir qədər sonra öz vətənində həbs edilib) birlikdə Amerika istintaq orqanları tərəfindən bütün dünyada 1 milyondan çox kompüteri sıradan çıxaran "Gozi" virusunu yaratmaqda və yaymaqda ittiham olunublar. Virusun köməkliyi ilə bank hesabları qırılaraq qarət edilib. ABŞ-ın sorğusuna əsasən Çalovski 2012-ci il dekabrın əvvəllərində Riqada həbs edilib. Həbs ediləndə onun 27 yaşı var idi. Öz səhvini etiraf etməyən, bu işdə adları çəkilən Rusiya və Rumıniya vətəndaşları ilə tanış olmadığını bildirən Çalovskini ABŞ-da uzunmüddətli həbs cəzası gözləyir.