50 milyon il öncə müasir Böyük Səhra (Saxara) ərazisində Transsaxara dənizi mövcud olub.

Axar.az “Qardian”a istinadən xəbər verir ki, bu iddia ilə amerikalı alimlər çıxış ediblər.

Onların fikrincə, bu dənizdə iri canlılar yaşayıb. Alimlər Transsaxaranın 3 min kvadrat kilometr quru ərazisini örtdüyünü bildiriblər. Amerikalı alimlərə belə fikrə gəlməyə səhra ərazisində tapılan qədim daşlaşmış dəniz canlılarının qalıqları yardım edib.

Paleontoloq Maurin Olirinin sözlərinə görə, Transsaxarada 12,3 milyon dəniz ilanı, 1,2 piknodont (qədim növ onurğalı balıq), bir neçə milyon som balığı olub. Bu canlılar müasir nümayəndələrindən fərqli olaraq, çox iri ölçülərə sahib olublar.