Almaniya kansleri Angela Merkel irqçi və islama qarşı olan "Qərbin islamlaşmasına qarşı vətənsevər avropalılar" (PEGİDA) hərəkatını irqi və dini ayrıseçkilikdə günahlandırıb.

Axar.az-ın məlumatına görə, Merkel televiziya vasitəsi ilə canlı yayıma çıxaraq xalqın Yeni il bayramını təbrik edərkən bu hərəkatı - adını çəkmədən - tənqid edib. Bütün xalqa səslənən xanım Merkel bu hərəkatın arxasınca getməməyi məsləhət görüb:

"Bazar ertəsi "Xalq bizik" deyən bir neçə min insan yürüş təkil etdi. Bunu deyənlər həqiqətən bunu demək istəyir: Siz rənginiz və dininiz səbəbindən bura aid deyilsiniz. Bu hadisələrə cavab olaraq deyirəm: Siz bu çağırışı edənlərin arxasınca getməyin. Onların qəlbində nifrət var!"