Ədalət və İnkişaf Partiyası (AKP) artıq ömrünü tamamlayıb.

Axar.az xəbər verir ki, bu iddia ilə AKP-dən olan keçmiş deputat və “Star” qəzetinin yazarı Məhməd Mətinər çıxış edib. AKP-nin 18 illiyi ilə bağlı danışan Mətinər Ərdoğanın liderliyində yeni partiyanın qurulması gərəkdiyini bildirib:

“Kimlərsə partiyanı atıb getdi, kimlərsə getmək üçün vaxt gözləyir. Ona görə də Ərdoğan bu ayrılma prosesində AKP-nin yönünü yenidən müəyyən etməlidir. AKP yeni bir Türkiyə iddiası ilə ortaya çıxsa da, keçmiş Türkiyə şərtlərində qurulub. Keçmiş Türkiyə artıq yoxdur. Keçmiş Türkiyə şərtlərində qurulan AKP artıq ömrünü tamamlayıb. Zehniyyət dəyişikliyinə ehtiyac yaranıb. Yenilənmiş AKP-yə yox, yeni AKP-yə ehtiyac var”.