12:19

"RİA Novosti" agentliyinin Ukrayna bölməsinin rəhbəri Kirill Vışinki bu dəqiqələrdə Kiyevdən Moskvaya uçmağa hazırlaşır.

Axar.az xəbər verir ki, bu barədə “Rossiya seqodnya” Beynəlxalq İnformasiya Agentliyinin baş direktoru Dmitri Kiselyov danışıb.

“Səbirsizliklə gəlməsini gözləyirik”, - Kiselyov bildirib.

Xatırladaq ki, Kiyev Apellyasiya Məhkəməsi "RİA Novosti" agentliyinin Ukrayna bölməsinin rəhbəri Kirill Vışinkinin müəyyən öhdəliklər əsasında azadlığa buraxılması barədə qərar verib.

***

Moskva ilə Kiyev arasında razılaşma çərçivəsində Ukraynada azad olunmuş şəxsləri gətirən təyyarə Moskvaya eniş edib.

Məlumata görə, Ukraynadan Rusiyaya 33 nəfər gəlib. Onların arasında RİA Novosti Ukrayna portalının rəhbəri Kiril Vışinski də var.

Xatırladaq ki, bir neçə gün əvvəl Rusiya Prezidenti Vladimir Putin saxlanılan şəxslərin dəyişdirilməsini iki ölkə arasında münasibətlərin sabitləşməsinə doğru atılacaq yaxşı addım adlandırıb, dəyişdirilmə prosesinin miqyaslı xarakter daşıyacağını vurğulayıb. V.Putin, həmçinin qeyd edib ki, Rusiya ilə Ukrayna arasında münasibətlərin tam normallaşması qaçılmazdır.