Birləşmiş Ərəb Əmirliklərinin (BƏƏ) iri şəhərləri – Əbu-Dabi və Dubaya hücum etməyə hazırıq.

Axar.az xəbər verir ki, bu sözləri Yəməndəki husi üsyançılarının nümayəndəsi general Yəhya Səria “Əl-Cəzirə”yə açıqlamasında deyib.

“Biz ilk dəfə elan edirik ki, bizim hədəfimizdə BƏƏ-nin onlarla obyekti, o cümlədən Dubay və Əbu-Dabi kimi iri şəhərləri var. İstənilən uyğun vaxtda hücuma keçə bilərik”, - deyə general bildirib.

Qeyd edək ki, Yəmənin şimal ərazilərinə nəzarət edən husi üsyançıları Səudiyyənin neft obyektlərinə dron hücumu həyata keçirmişdi.